Қазақстанда 2026 жылы VIP нөмірлер 10%-ға қымбаттады

Қазақстанда 2026 жылы "мықты" деген автомобиль нөмірлерінің бағасы өсті. Бағаның өсуі айлық есептік көрсеткіштің (АЕК) ұлғаюымен байланысты, ол 1 қаңтардан бастап 4 325 теңгені (бұрын - 3 932 теңге) құрады. Өсім - шамамен 10%, деп хабарлайды Zakon.kz.

Тиісінше, сұраныстың жоғары болуына байланысты мемлекеттік тіркеу нөмірлерінің бағасы да 10%-ға өсті.

2026 жылы жоғары сұранысқа ие мемлекеттік тіркеу нөмірлері белгілерінің (МТНБ) бағасы

Ең қолжетімді VIP нөмірлер: әріптері бірдей немесе мына сандық комбинациялар - 010, 020, 030, 040, 050, 060, 070, 077, 080, 090 және 707. Бұлар қазір 57 АЕК немесе 246 525 теңге тұрады.

Дәл осындай комбинациялар, бірақ әріптік белгілері де бірдей нөмірлер құны 114 АЕК, яғни 493 050 теңгені құрайды.

Сандары 100, 111, 200, 222, 300, 333, 400, 444, 500, 555, 600, 666, 700, 800, 888, 900 және 999 болып келетін нөмірлер 137 АЕК, яғни 592 525 теңге болады. Тура осы комбинациялар әрі әріптері де бірдей болса, баға 194 АЕК-ке артып, 839 050 теңгені құрайды.

001-009 және 777 түріндегі сандық белгілер одан да қымбат тұрады: 228 АЕК (986 100 теңге).

Ең қымбаты - 001-009 және 777 нөмірлері бірдей әріптік белгілермен қатар жүргенде. 2026 жылы олардың құны 1 232 625 теңгеге (285 АЕК-ке) дейін өсті.

2026 жылы АЕК, ең төменгі жалақы және зейнетақы мөлшері қандай екенін мына арадан оқи аласыздар.