Пайдаланушы келісімі

Осы Келісім Пайдаланушы мен «RS Solutions» ЖШС арасында жасалады және Mail.KZ Порталының (бұдан әрі — «Портал») материалдары мен сервистерін Пайдаланушылардың пайдалану шарттарын айқындайды.

1. Жалпы ережелер

1.1. Порталдың материалдары мен сервистерін пайдалану Қазақстан Республикасының қолданыстағы заңнамасының нормаларымен реттеледі.

1.2. Осы Келісім жария оферта болып табылады. Порталдың материалдарына қол жеткізген Пайдаланушы осы Келісімге қосылған болып есептеледі.

1.3. Портал әкімшілігі осы Келісімнің талаптарын кез келген уақытта біржақты тәртіппен өзгертуге құқылы. Мұндай өзгерістер Келісімнің жаңа нұсқасы Порталда жарияланған сәттен бастап 3 (үш) күн өткен соң күшіне енеді. Пайдаланушы енгізілген өзгерістермен келіспеген жағдайда, Порталға қол жеткізуден бас тартып, Порталдың материалдары мен сервистерін пайдалануды тоқтатуға міндетті.

2. Пайдаланушының міндеттемелері

2.1. Пайдаланушы Қазақстан Республикасының заңнамасын немесе халықаралық құқық нормаларын, оның ішінде зияткерлік меншік, авторлық және/немесе сабақтас құқықтар саласындағы нормаларды бұзатын, сондай-ақ Портал мен оның сервистерінің қалыпты жұмысын бұзатын немесе бұзуы мүмкін әрекеттер жасамауға келіседі.

2.2. Портал материалдарын құқық иеленушілердің келісімінсіз пайдалануға жол берілмейді (Портал материалдарын заңды түрде пайдалану үшін құқық иеленушілермен лицензиялық шарттар жасасу немесе олардан лицензия алу қажет).

2.3. Портал материалдарынан, оның ішінде авторлық құқықпен қорғалатын туындылардан дәйексөз келтірген кезде Порталға сілтеме жасау міндетті.

2.4. Пайдаланушының Порталдағы пікірлері мен өзге де жазбалары Қазақстан Республикасының заңнамасының талаптарына және жалпыға бірдей қабылданған мораль мен адамгершілік нормаларына қайшы келмеуге тиіс.

2.5. Пайдаланушы Порталда сілтемелері болуы мүмкін сыртқы ресурстарға кіргені және оларды пайдаланғаны үшін Портал әкімшілігінің жауапты болмайтыны туралы хабардар етілген.

2.6. Пайдаланушы Портал әкімшілігінің Порталдағы кез келген мазмұнға, авторлық құқықтарды тіркеуге және мұндай тіркеу туралы мәліметтерге, сыртқы сайттар немесе ресурстар арқылы қолжетімді не алынған тауарлар мен қызметтерге, сондай-ақ Порталда орналастырылған ақпаратты немесе сыртқы ресурстарға берілген сілтемелерді пайдалану арқылы Пайдаланушы байланысқа түскен өзге де тұлғаларға қатысты болуы мүмкін немесе туындаған кез келген шығындар мен залалдар үшін жауап бермейтініне және Пайдаланушы алдында тікелей немесе жанама міндеттемелері жоқ екеніне келіседі.

2.7. Пайдаланушы Порталдың барлық материалдары мен сервистері немесе олардың кез келген бөлігі жарнамамен бірге берілуі мүмкін екенін қабылдайды. Пайдаланушы мұндай жарнамаға байланысты Портал әкімшілігінің ешқандай жауапкершілігі мен міндеттемелері жоқ екеніне келіседі.

2.8. Пайдаланушы mail.kz пошта сервисін пайдаланған кезде жаппай хат таратпайтынына (спам жібермейтініне) кепілдік береді. Мұндай жағдай анықталған кезде Пайдаланушының логині мен құпиясөзін қоса алғанда, есептік деректері алдын ала ескертусіз автоматты түрде бұғатталады.

2.9. Портал әкімшілігі халықаралық қара тізімдерге енгізілген, сондай-ақ спам тарататын немесе зиянды мазмұны бар домендер мен электрондық мекенжайларды біржақты тәртіппен бұғаттау құқығын өзіне қалдырады.

3. Дербес деректерді қорғау

3.1. Портал әкімшілігі Сіздің дербес деректеріңіздің құпиялылығы мен қауіпсіздігін қамтамасыз етеді. Сіздің дербес деректеріңіз 2013 жылғы 21 мамырдағы «Дербес деректер және оларды қорғау туралы» Қазақстан Республикасының Заңына сәйкес және оның негізінде өңделеді.

3.2. Сіздің дербес деректеріңізді өңдеудің мақсаты — Пайдаланушы келісімінің талаптарын орындау. Мына дербес деректер өңделеді:

• тегі мен аты;
• электрондық пошта мекенжайы;
• байланыс үшін пайдаланылатын ұялы телефон нөмірі.

3.3. Порталымызда тіркелу арқылы Сіз дербес деректеріңізді жинау мен өңдеудің заңдылығымен келісесіз, дербес деректеріңіздің жиналуы және өңделуі туралы хабардар екеніңізді растайсыз, сондай-ақ дербес деректеріңізді өңдеуге, оларды Оферта талаптарын орындау мақсатында үшінші тұлғаларға беруге келісім бересіз. Бұл келісім Сіз дербес деректеріңізді өңдеуді тоқтату және/немесе оларды жою туралы талаппен не өтінішпен жүгінгенге дейін мерзімсіз қолданылады (үшінші тұлғаның дербес деректеріңізді өңдеуіне берілген келісім).

3.4. Порталымызда тіркелу арқылы Сіз дербес деректеріңіздің дерекқордың жалпыға қолжетімді көзіне енгізілуіне (яғни дербес деректеріңіз жалпыға қолжетімді деп танылуына), сондай-ақ Сіз туралы кез келген ақпараттың (дербес деректеріңіздің, Порталды пайдалануыңыз туралы ақпараттың және т.б.) серіктестерімізге берілуіне келісесіз.

3.5. Дербес деректерді өңдеуге берілген келісімді қайтарып алу үшін support@mail.kz электрондық пошта мекенжайына тиісті хабарлама жіберу қажет. Бұл жағдайда біздің қызметтерге қол жеткізу (логин мен құпиясөз) бұғатталады.

3.6. Пошта аккаунты алты айдан астам уақыт белсенді пайдаланылмаса, ол автоматты түрде жойылады.

4. Өзге де шарттар

4.1. Осы Келісімнен туындайтын немесе онымен байланысты барлық ықтимал даулар Қазақстан Республикасының қолданыстағы заңнамасына сәйкес шешілуге тиіс.

4.2. Келісімдегі ешбір ереже Пайдаланушы мен Портал әкімшілігі арасында агенттік қатынастар, серіктестік қатынастар, бірлескен қызмет қатынастары, жеке еңбек қатынастары немесе Келісімде тікелей көзделмеген өзге де қатынастар орнату ретінде түсіндірілмеуге тиіс.

4.3. Пайдаланушылардың бірі Келісім ережелерін бұзған жағдайда Портал әкімшілігінің әрекетсіздігі оның өз мүдделерін және заңнамаға сәйкес қорғалатын Портал материалдарына қатысты авторлық құқықтарын қорғау үшін кейінірек тиісті шаралар қабылдау құқығынан айырмайды. Пайдаланушы осы Келісімнің барлық тармақтарымен танысқанын және оларды сөзсіз қабылдайтынын растайды.