Түркістан облысында тауда жоғалып кеткен қос жасөспірім аман-есен табылды

Түркістан облысы Созақ ауданында 26 маусымда таңертең таудағы малды қарап келу үшін кетіп, қайта кері оралмаған кәмелетке толмаған қос бала іздестірілді. Жасөспірімдердің тауға мотоциклмен аттанғаны белгілі, деп хабарлайды Zakon.kz.

Жоғалған жасөспірімдердің туыстары полициядан көмек сұраған.

"Кәмелетке толмағандарды іздеуге аудандық полиция бөлімінің барлық жеке құрамы, құтқарушылар, 30 астам еріктілер, қызметтік иттер, сондай-ақ, дрондар мен тікұшақ жұмылдырылды. Іздеу жұмыстарының нәтижесінде полиция балаларды тікұшақтың көмегімен тауып алды", делінген полиция хабарламасында.

Кейін белгілі болғандай, жасөспірімдер тауда адасып, 30-35 шақырым алыстап кеткен.