Тергеу изоляторына телефонды сабынға жасырып өткізбек болған адам әшкереленді

12:39, 26 қаңтар 2022

© Сурет: ГМ-172/10 мекемесінің баспасөз қызметі.

25 қаңтарда Ақтаудағы тергеу изоляторындағы жұбайына барған әйел ұялы телефонды сабынның ортасына жасырып өткізбек болған, деп хабарлайды Zakon.kz.

Әйел апарған сәлемдемені тексеру кезінде мекеме қызметкерлері тыйым салынған затты, атап айтқанда кір сабынының ішіне жасырылған ұялы телефонды тапты.

Аталған факті бойынша әкімшілік хаттама толтырылды (қылмыстық-атқару жүйесі мекемелерінде, арнайы мекемелерде ұсталатын адамдарға тыйым салынған заттарды, бұйымдар мен заттарды беру). Материал процессуалдық шешім шығару үшін Ақтау қаласының мамандандырылған сотына жіберілді.

Қызметкерлер тыйым салынған заттар мен есірткі заттарын кез келген айла-амалдармен беру әрекеттерінің жолын кесу бойынша мақсатты жұмыс жүргізеді. ГМ-172/10 мекемесінің баспасөз қызметі

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!