ШҚО-да есігі жоқ көлікті тізгіндеген жүргізуші жауапқа тартылды

22:42, 18 сәуір 2024

© Сурет: Telegram/POLISIA.KZ

Зайсан қаласының тұрғыны есіктері жоқ көлікпен жүрген үшін жауапқа тартылды, деп хабарлайды Zakon.kz.

ҚР Жол жүрісі қағидаларын бұзу сәтін сол маңнан кездейсоқ өтіп бара жатқан адамдар қызық үшін видеоға түсіріп, кейін ол ғаламтор желісінде кеңінен тарады.

"Зайсан қаласы көшелерінің біріндегі жастар алдыңғы және артқы есіктері жоқ көлікпен жүріп, өздері үшін де, айналасындағылар үшін де қауіпті жағдай туғызатын сәт камера объективіне түсіп қалған. 20 жастағы жүргізуші көлік құралдарын пайдалану ережелерін бұзғаны үшін жауапқа тартылды". ШҚО ПД баспасөз қызметі

ШҚО полиция департаменті жол қозғалысының барлық қатысушыларын жол жүрісі қағидаларын қатаң сақтауға шақырады.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!