Мас және жүргізу құқығынан айырылған: Жаңаарқада Mercedes-Benz жүргізушісі ұсталды

20:10, 14 қыркүйек 2026

MKZ: 1566791

© Фото: polisia.kz

Ұлытау облысы Жаңаарқа ауданында көлік басқару құқығынан айырылған жүргізуші мас күйде қайтадан рөлге отырған. Полиция оны айналма жолда тоқтатқан, деп хабарлайды Zakon.kz.

Оқиға 13 қыркүйекте Жаңаарқа кентінің айналма жолында болған. Патрульдік полиция қызметкерлері Mercedes-Benz көлігін тоқтатып, 1997 жылы туған жүргізушіні тексерген.

Тексеру кезінде оның бұған дейін көлік басқару құқығынан айырылғаны, соған қарамастан алкогольдік масаң күйде көлік жүргізгені анықталды.

Осы дерек бойынша қылмыстық іс қозғалып, сотқа дейінгі тергеп-тексеру басталды.

Полиция мәліметінше, жыл басынан бері өңірде көлікті алкогольдік, есірткілік немесе уытқұмарлық масаң күйде басқаруға қатысты 229 әкімшілік құқықбұзушылық анықталған.

Полиция азаматтарды жол қозғалысы ережелерін сақтауға және мас күйде көлік жүргізбеуге үндеді.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!