Қарағанды хайуанаттар бағында жаңа ерекше құс пайда болды
© Сурет: pexels
Қарағанды хайуанаттар бағында ерекше құс – Сабыржан есімді жас бұйра бірқазан пайда болды. Қанаты қатты жарақаттанған құс Ұлытау облысынан жеткізілген, деп хабарлайды Zakon.kz.
КТК телеарнасының мәліметінше, бірқазанның оқиғасы қазан айының ортасында басталған. Сол кезде Сәтбаев қаласының көшелерінен қорқып, әлсіреп қалған құс байқалған. Болжам бойынша, балапан ата-анасымен бірге оңтүстікке қоныс аудару кезінде электр желісіне соғылып, тоққа түскен болуы мүмкін.
Құсты аман алып қалу үшін еріктілер оны экологиялық орталыққа жеткізіп, Сабыржан деп атаған. Кейін бірқазанды Қарағанды хайуанаттар бағына жіберген. Шамамен 600 шақырымдық жолды құс жақсы өткерген.
Мамандар тексеру кезінде оның қанатының қатты зақымданғанын анықтады. Енді Сабыржан жабайы табиғатта өздігінен тіршілік ете алмайтын басқа құстармен бірге хайуанаттар бағында өмір сүреді.
Айта кетейік, бірқазанды күніне екі рет тамақтандырады. Оның ас мәзіріне минтай, мөңке және табан балығы кіреді.
Бұған дейін Қазақстанда елді мекен маңынан қанаты сынған Қызыл кітапқа енген сирек құс табылғаны хабарланған болатын.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
12:52, 19 қараша 2026
«Жарты сағаттай ұрып-соққан» – Теміртауда қаза тапқан әйелдің туыстары оқиғаның мән-жайын айтты
-
12:46, 19 қараша 2026
Қоқыс пакетінен адамның басы табылды: АҚШ-та зейнеткер әйел мен қызы кісі өлтірді деген күдікке ілінді
-
12:12, 19 қараша 2026
«Барыс» бес шайба жіберіп, сырт алаң сериясын сәтсіз бастады
-
12:06, 19 қараша 2026
Астанада кәсіпкер туралы жалған ақпарат таратып, одан 50 млн теңге бопсалаған ер адамның үкімі күшінде қалды
-
11:53, 19 қараша 2026
52 мыңнан астам қазақстандықтың неліктен баспана кезегінен шығарылғаны белгілі болды





