Астанада Нұрмағамбетов көшесінің бір бөлігі жөндеу жұмысына байланысты жабылады

Астанада С. Нұрмағамбетов көшесінің Ш. Қалдаяқов көшесінен Ж. Нәжімеденов көшесіне дейінгі бөлігінде орташа жөндеу жүргізіледі, деп хабарлайды Zakon.kz қала әкімдігінің ресми сайтына сілтеме жасап.

Осыған байланысты 15-17 қыркүйек аралығында аталған учаскеде көлік қозғалысы ішінара шектеледі. Қозғалыс жолдың бір жағымен екі бағытта ұйымдастырылады.

"Жүргізушілер мен жаяу жүргіншілер жүру бағытын алдын ала жоспарлап, ықтимал өзгерістерді ескеруі қажет", – делінген хабарламада.

Қауіпсіздікті қамтамасыз етіп, қолайсыздықтарды барынша азайту үшін уақытша жол белгілері мен көрсеткіштер орнатылады.