Астанада LRT желісінің ресми іске қосылу күні белгілі болды

CTS басқарушы директоры Орынбасар Ағыбаев 2026 жылғы 12 мамырда Астанадағы LRT желісін ашу алдағы демалыс күндеріне жоспарланғанын мәлімдеді, деп хабарлайды Zakon.kz тілшісі.

Оның айтуынша, пойыздар қала тұрғындары үшін 16–17 мамыр күндері жүре бастайды. Бұл ретте салтанатты ашылу рәсімі өткізілмейді.

"Мен нақты айта аламын, осы демалыс күндері қала тұрғындары үшін ашылады. Бұл жай ғана іске қосу болады. Жұмыс уақыты – таңғы 06:00-ден кешкі 23:00-ге дейін", – деді Орынбасар Агбаев.

Сондай-ақ ол LRT жүйесі әзірге түнгі уақытта, автобустар сияқты, жұмыс істемейтінін атап өтті. Себебі желі мен вагондарға техникалық қызмет көрсетуге уақыт қажет.

Спикердің айтуынша, ресми сапарлар кезінде де LRT қозғалысы тоқтатылмайды – ол штаттық режимде жұмысын жалғастырады.

Айта кетейік, 2026 жылғы 21 сәуірде Астана әкімі Жеңіс Қасымбек LRT желісінің келешекте қай бағыттарға дейін ұзартылатынын айтқан болатын.