Алматыда алғаш рет «Жас құтқарушы» сыныбы ашылды
© Сурет: Алматы қаласы әкімдігінің баспасөз қызметі
Алматының Жетісу ауданындағы №87 жалпы білім беретін мектепте "Жас құтқарушы" сыныбы салтанатты түрде ашылды. Іс-шара Қазақстанда 19 қазанда атап өтілетін Құтқарушылар күніне орайластырылған.
"Жас құтқарушы" сыныбында балаларды өрт, жер сілкінісі, суға шомылу маусымындағы іс-әрекеттерге үйретеді. Басты мақсат – оқушылардың жеке және қоғамдық қауіпсіздік мәселесіне жауапкершілікпен қарауын қалыптастыру және оларды төтенше жағдайда пайдасы тиетін тәжірибелік дағдыларға үйрету.
"Бұл өскелең нағыз патриоттар мен болашақ Отан қорғаушыларды тәрбиелеуде жаңа кезеңнің басталғанын білдіретін маңызды оқиға. Алматыдағы алғашқы осындай сыныптың біздің ауданда ашылғанына мақтанамыз. 9-сынып оқушылары жас құтқарушылар антын қабылдап, елді қорғауға және төтенше жағдайда қауіпсіздік шарасын сақтауға міндеттенді. Балаларға шын жүректен сәттілік пен жаңа жетістіктер тілеймін. Олардың қоғам дамуына үлкен үлес қосатын тұғыры биік тұлға боларына сенімдімін!", – деді Жетісу ауданының әкімі Ләззат Жылқыбаева.
Жаңа сыныптың ашылуы кезінде келушілерге мото жол талғамайтын көлік, қарда жүретін көлік, квадроцикл, жедел әрекет ететін өрт сөндіру машинасы сынды құтқарушылардың техникасы мен жабдықтарынан көрме ұйымдастырылды.
"Жас құтқарушы" сыныбы балалардың жеке және қоғамдық қауіпсіздік мәселесіне саналы әрі жауапкершілікпен қарауын қалыптастыру, тұрақты тәжірибелік дағдыларды меңгеру және төтенше жағдайда өзін-өзі ұстау қабілетін дамыту мақсатында ашылды. Болашақта жас құтқарушылар азаматтық қорғау органдары қызметкерлерінің қатарын толықтырады деп үміттенеміз", – деді Алматы қаласы Төтенше жағдайлар департаментінің басшысы Нұрлан Атығаев.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
16:56, 17 қазан 2024
Жоғалған қаскелеңдік жігіт бір апта өткеннен кейін өзге ауылдан өлі күйінде табылды
-
16:43, 17 қазан 2024
Ресей Қазақстаннан бидай, қызанақ және бұрыш импорттауға тыйым салды
-
16:36, 17 қазан 2024
Шымкентте балабақша тәрбиешісіне қатысты қылмыстық іс тоқтатылды
-
16:31, 17 қазан 2024
Нұрлан Оразбаев «Барыстың» бас директоры болып үшінші мәрте тағайындалды
-
16:26, 17 қазан 2024
Алматы облысында бизнес бойынша серіктесін атып өлтірген айыпталушыға қатысты үкім шықты