Жоғалған қаскелеңдік жігіт бір апта өткеннен кейін өзге ауылдан өлі күйінде табылды
© Фото: Zakon.kz
Алматы облысының полициясы кісі өлтіру фактісі бойынша қылмыстық істі тексеруде, деп хабарлайды Zakon.kz.
Қаскелеңдегі қайғылы оқиға жайлы әлеуметтік желілерден белгілі болды: ер адам өлі күйінде табылған. Оның жақындары жігіттің қасақана өлтірілгенін айтып, тергеу барысына наразылығын білдірді.
"Біз әділдікті талап етеміз! Кінәлілер лайықты жазаға тартылуы керек", — деді қайғыдан қан жұтып отырған туыстарының бірі.
Олардың пікірінше, полиция істің анық-қанығын білу үшін тиісті шаралар қабылдап отырған жоқ.
Алматы облысының прокуратурасы кісі өлтіру фактісі бойынша сотқа дейінгі тергеу басталғанын (ҚК 99-бабы), тергеуді Қарасай ауданының прокуратурасы қадағалайтынын хабарлады.
"Күдікті адам ұсталды және уақытша ұстау изоляторына қамалды. Біз қайтыс болған адамның отбасы мен жақындарына көңіл айтамыз", – делінген қадағалау органының ақпаратында.
Өңірдің ПД мәліметінше, 16 қазанда Қарасай ауданы Шалқар ауылының шетінде 10 қазанда хабар-ошарсыз кеткен 26 жастағы ер адамның денесі зорлық-зомбылық өлім белгілерімен табылды.
"Кісі өлтіру фактісі бойынша полиция қылмыстық іс қозғады. Жедел-іздестіру іс-шаралары барысында полицейлер 22 жастағы күдіктіні көп ұзамай ұстап, қамауға алды",- деді полиция.
Тергеу облыстық полиция департаменті басшылығының бақылауында.
Бұған дейін Алматы облысында бизнес бойынша серіктесін атып өлтірген айыпталушыға қатысты үкім шыққаны хабарланды.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
19:20, 17 қазан 2024
Қазақстанда TikTok бұғатталуы мүмкін бе
-
18:57, 17 қазан 2024
Сарапшы-маман тағам қабы сыртындағы жазуды тексеру неге маңызды екенін түсіндірді
-
18:36, 17 қазан 2024
Қасым-Жомарт Тоқаев Үкімет басшысы Олжас Бектеновті қабылдады
-
18:25, 17 қазан 2024
БАӘ-де 1500-ге жуық қазақстандықтың баспанасы бар. Олардың барлығы тексерілетін болады
-
17:56, 17 қазан 2024
Бір рет өліп-тірілген әйел о дүниеде не көргенін айтты