28 маусымда Қазақстан Республикасының қай қалаларында қолайсыз ауа райы күтіледі

"Қазгидромет" РМК жұма, 28 маусымда Риддер, Өскемен, Павлодар және Алматы қалаларында ауаның ластануы үшін қолайсыз ауа райы жағдайларын мәлімдеді, деп хабарлайды Zakon.kz.

Қолайсыз ауа-райы жағдайлары (ҚАЖ) – атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тыныш, аз жел, тұман, инверсия) жиынтығы. ҚАЖ пайда болған кезде елді мекендердегі атмосфералық ауаның сапасы нашарлауы мүмкін.

Ластану деңгейінің қалыптасуын анықтайтын маңызды факторлардың бірі синоптикалық жағдайды болжау (жел, жауын-шашын, ылғалдылық, ауа температурасы).

Қазақстанның бес облысында өте қатты аптап ыстық сақталады деп бұған дейін хабарланған болатын.