Жақиянов реваншсыз қалды
Қазақстандық Жанат Жақияновты (27-2, 18 КО) жеңген жеңіл салмақта IBF және WBA (Super) тұжырымдары бойынша әлем чемпионы Райан Барнеттің промоутері Эдди Хирн боксшының жоспарымен бөлісті.
«Біз Белфастқа ақпанда не наурызда қайтып келуді жоспарлап отырмыз. Дивизиондағы барлық белбеулердің басын қоссақ деген ойымыз бар. Біздің салмақта әйгілі боксшылар жиналған. Джейми Макдоннелл (тұрақты WBA чемпионы), Пол Батлер (WBA титулына үміткер және IBF нұсқасының бұрынғы иегері), Золани Тете (WBO чемпионы), ал WBC титулы әзірге бос. Райан барлығын жинамақшы», – деді Хирн Sky Sports басылымына берген сұхбатында.
Осылайша промоутер Барнеттің Жақияновпен екінші кездесу өткізбейтінін айтты. Осыған дейін қазақстандықтың промоутері Филипп Фондю екі боксшының арасында толтырылған келісімшартта не жазылғанын айтып берген еді.
Жақиянов пен Барнетт арасындағы жекпе-жек қазанның 21-інен 22-сіне қараған түні Белфаст қаласында өтті. 12 раундқа созылған кездесуде төрешілер шешім шығарып, жеңісті алаң иесіне берді.
Жанат Жақиянов WBA (Super) белбеуінен айырылып қалды, ол оны биыл ақпанда иеленген еді. Қазақстандық боксшы спорт мансабында екінші рет тізе бүкті, ал оның қарсыласы әлі жеңілген жоқ – 18 жеңіс (11 КО), деп хабарлайды kaz.vesti.kz.
Источник: khabar.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:12, 15 маусым 2023
Александр Недовесов Нидерландтағы жарыстың жартылай финалына шықты
-
17:49, 9 қаңтар 2023
Месси мен Роналду бір-біріне қарсы ойнайды
-
23:49, 25 қараша 2022
Айдос Ербосынұлы қиын-қыстау сәтте өзіне тілекші болған баршаға сәлем жолдады
-
00:11, 4 қараша 2022
Ринат Жұмабаев шахматтан Азия чемпионы атанды
-
23:50, 3 қараша 2022
Бокстан АЧ-2022: Назым Қызайбай ширек финалға жолдама алды