«Жаңбыр жауады». Алматы бойынша алдағы бір аптаға арналған ауа райы болжамы

Синоптиктер Алматы қаласы бойынша шілде айының соңғы аптасына арналған ауа райының алдын-ала болжамымен бөлісті, деп хабарлайды Zakon.kz

"Қазгидромет" РМК-ның Алматы және Алматы облысы бойынша филиалының жетекші инженер-синоптигі Гүлтаңсық Медеуованың айтуынша, жұмыс аптасының басында оңтүстік астанада ауа райы өте ыстық болады.

"Күндізгі ауа температурасы +36...+38°C аралығында болады. Түнде де сынап бағаны қатты төмендей қоймайды: +23...+25°C дейін, бұл түнгі салқынды жақсы көретіндер үшін қолайсыздық тудырады", – дейді маман.

Сонымен қатар синоптик аптаның ортасы өзгеріс басталатын белгілерді байқайтатынын айтады: солтүстік-батыстан салқын ауа массасы аймаққа ене бастайды.

"Бұлттар көбейіп, аздап жауын-шашын мен найзағайдың болуы мүмкін, әсіресе таулы және тау бөктеріндегі аймақтарда. Аптаның соңына қарай ыстықтың беті біртіндеп қайта бастайды. Күндізгі температура +31...+33°C , түнгі температура +20...+22°C аралығында болады. Солтүстік-батыстан соққан желдің екпіні 15-18 м/с дейін жетуі мүмкін", - деді Гүлтаңсық Медеуова.

2025 жылғы 26 шілде мен 1 тамыз аралығына арналған ауа райы болжамы

• 26 шілде: аспан бұлтты, күн райы жауын-шашынсыз. Ауа температурасы түнде: +21...+23°C, күндіз: +36...+38°C.
• 27 шілде: аспан бұлтты, күн райы жауын-шашынсыз. Оңтүстік-батыстан соққан желдің екпіні 3-8 м/с, күндіз кей тұста - 13 м/с. Ауа температурасы түнде: +23...+25°C, күндіз: +36...+38°C.
• 28 шілде: аспан бұлтты, күндіз аздап жаңбыр жауады, найзағай ойнайды. Оңтүстік-батыстан соққан желдің екпіні 3-8 м/с, күндіз кей тұста - 13 м/с. Ауа температурасы түнде: +23...+25°C, күндіз: +33...+35°C.
• 29 шілде: аспан бұлтты, күн райы жауын-шашынсыз. Батыстан соққан желдің екпіні 3-8 м/с, күндіз кей тұста - 13 м/с. Ауа температурасы түнде: +21...+23°C, күндіз: +33...+35°C.
• 30 шілде: аспан бұлтты, күндіз аздап жаңбыр жауады, найзағай ойнайды. Солтүстік-батыстан соққан желдің екпіні 3-8 м/с, күндіз кей тұста - 13 м/с. Ауа температурасы түнде: +21...+23°C, күндіз: +31...+33°C.
• 31 шілде -1 тамыз: аспан бұлтты, күн райы жауын-шашынсыз. Ауа температурасы түнде: +20...+22°C, күндіз: +31...+33°C.

Бұған дейін синоптиктер еліміздегі ірі үш қала бойынша алдағы үш күнге арналған ауа райы болжамымен бөліскен болатын.