Жанармайы 10 минутқа ғана жететін: Boeing ұшағы апаттық дабыл қақты

Ұлыбританияда қатты дауыл кезінде Ryanair әуе компаниясының Boeing 737 жолаушылар ұшағы Шотландияда екі рет қонуға әрекет жасап, бірақ қона алмаған. Осыдан кейін ұшақ Манчестерге бағыт алуға мәжбүр болды, деп хабарлайды Zakon.kz.

Ұшақ қонуға дайындалған кезде оның жанармайы өте аз қалған. Қолда бар отын бар болғаны 10 минуттан кейін таусылуы мүмкін еді. Ұшақ Италияның Пиза қаласынан Глазго маңындағы Прествик әуежайына ұшқан. Бортта 171 жолаушы және алты экипаж мүшесі болған.

Ұшқыштар қосымша жанармай алған. Себебі желдің әсерінен Прествик әуежайындағы екі ұшу-қону жолағының қысқасын пайдалану қажет болған. Ал Манчестер әуежайы алдын ала қосалқы әуежай ретінде белгіленген.

Ұшақ алғаш рет қонуға әрекет жасаған кезде, шамамен 80 метр биіктікте қатты жел туралы ескерту сигналы қосылған. Экипаж қонуға жақындауды тоқтатып, ұшақты қайта көтерген. Екінші әрекет кезінде де жағдай қайталанып, ұшақ тағы да қонуға әрекетін тоқтатты.

Осыдан кейін экипаж Манчестерге қонуға рұқсат сұраған, бірақ нақты себеп түсіндірілместен бас тартылған. Содан соң ұшқыштар Эдинбургке бағытталуды сұраған.

Есепке сәйкес, бұл мәселені келісуге шамамен бес минут кеткен. Эдинбургке ұшу кезінде экипаж жанармай мөлшеріне алаңдай бастаған. Онда да қатты желге байланысты қону мүмкін болмады.

Ақырында командир Манчестерге ұшуды шешкен. Ол кезде ұшақтағы жанармай мөлшері белгіленген соңғы резерв көлемінде қонуға қажетті деңгейден 700 келіге аз болған. Есеп бойынша, ұшақ қонған кезде бортта қажетті 1101 келінің орнына шамамен 300 келі жанармай қалуы тиіс еді. Осы кезде экипаж халықаралық стандартты апаттық сигналды жариялады: "MAYDAY MAYDAY MAYDAY ТОПЛИВО".

Бұған дейін бал айына ұшып бара жатқан жас жұбайларды ұшақтың ішінде ұрылардың тонап кеткені хабарланған болатын.