Жамбыл облысында танысын пышақтаған ер адам мемлекетке 436 мың теңге өтейтін болды
© Фото: pxhere
Жамбыл облысында денсаулыққа қасақана ауыр зиян келтіргені үшін сотталған ер адамнан жәбірленушіні емдеуге мемлекет жұмсаған 436 мың теңге өндірілді. Тиісті шешімді Талас аудандық соты шығарды, деп хабарлайды Zakon.kz.
2026 жылғы 16 қарашада Жамбыл облыстық соттарының баспасөз қызметі хабарлағандай, 2026 жылғы ақпанда М. есімді ер адам Жуалы аудандық сотының үкімімен денсаулыққа қасақана ауыр зиян келтіргені үшін сотталған.
Ол танысымен жанжалдасу кезінде ер адамды пышақтап алған.
"Соның салдарынан жәбірленуші ауыр жарақаттар алған. Атап айтқанда, кеуде қуысына тесіп өткен жарақат түсіп, өкпесі зақымданған. Бұл асқынуларға байланысты шұғыл хирургиялық ота жасалып, ауруханада емделу қажет болды", – делінген хабарламада.
Асқынуларға байланысты жәбірленушіге шұғыл ота жасалып, стационарлық ем қажет болған. Медициналық көмек көрсетуге мемлекеттік бюджеттен 436 мың теңге жұмсалған.
Бұл шығындар сотталған адамның қылмыстық әрекетінен туындағандықтан, аудан прокуроры оларды өтеу туралы талап арызбен сотқа жүгінген.
Іс материалдары мен ұсынылған дәлелдерді зерделеген сот прокурордың талабын қанағаттандырды. Ер адамнан мемлекет пайдасына 436 мың теңге және мемлекеттік баж өндірілді.
Сот шешімі әзірге заңды күшіне енген жоқ.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
11:52, 17 қараша 2026
Қазақстанда ғарышкерлерді іріктеу қағидаларына қандай өзгерістер енгізілді
-
11:42, 17 қараша 2026
Хромтауда дәмханаға келгендерге әдепсіз ишара көрсеткен ер адам 5 тәулікке қамалды
-
11:27, 17 қараша 2026
17 қарашадағы Астана мен Алматының ақша айырбастау орындарындағы валюта бағамдары
-
11:13, 17 қараша 2026
Қазақстанда шетелдік құжаттарды заңдастыру: Конституциялық сот түсініктеме берді
-
11:06, 17 қараша 2026
Алматыдағы адам өліміне әкелген жол апаты: өрт сөндіру көлігі шақыртуға бара жатқан





