Ресей адам өлтірді деген күдікті қазақстандықты экстрадициялады

Қазақстанның Бас прокуратурасы жәбірленушінің өліміне әкеп соққан денсаулыққа ауыр зиян келтіргені үшін қылмыстық жауапкершілікке тартылған Қазақстан Республикасының азаматын Ресейден экстрадициялады, деп хабарлайды Zakon.kz.

Бұл туралы бүгін, 2024 жылғы 30 желтоқсанда қадағалау органының баспасөз қызметі хабарлады.

Аталған адам 2021 жылдың наурыз айында тағы да жеке тұлғаға қарсы ауыр қылмыс жасаған.

"Атап айтқанда, күдікті Қостанай қаласындағы жәбірленушінің пәтерінде бірге алкогольдік ішімдік ішу кезінде өзара араздық салдарынан жәбірленушінің басы мен денесіне көптеген жасаған соққылар салдарынан жәбірленуші қайтыс болды", — бұл туралы Қазақстан Республикасы Бас прокуратурасының Telegram-каналында жарияланған хабарламада жазылған.

Жауаптылықтан құтылғысы келген күдікті қашып кеткен, сол себепті ол халықаралық іздеуге жарияланған.

"Күдікті іздеуде жүргенде Ресей аумағында қарақшылық шабуыл жасап, сол үшін Ресей сотымен сотталған." ҚР Бас прокуратурасы

Көрші мемлекетте жазасын өтегеннен кейін Қазақстан Республикасы Бас прокуратурасының сұрауы бойынша отанына экстрадицияланып, қазіргі уақытта тергеу изоляторына қамалды.

Жәбірленушінің өліміне әкеп соқтырған ауыр дене жарақатын келтіргені үшін ол 8 жылдан 12 жылға дейін бас бостандығынан айыру жазасы қарастырыған.

2024 жылдың 23 желтоқсанында Ресейдің Қазақстанға шетелдікті экстрадициялап, алматылықтарды миллиардтаған теңгеден айырғаны белгілі болды.