Оңтүстік Кореяның білім министрі ЖИИ-мен байланысты даудан кейін отставкаға кетті
© Фото: zakon.kz
Оңтүстік Кореяда емтихан кезінде жасанды интеллектіні пайдалану, көшіру дерегіне байланысты дау бұрқ етті, деп хабарлайды Zakon.kz.
Оңтүстік Кореяның білім министрі Чхве Кё Джин емтиханда жасанды интеллектіні пайдаланып, көшіру дауына байланысты қызметінен кетті. Ел президенті Ли Чжэ Мён министрдің отставкасы туралы өтінішін қабыл алды.
Бұған салық есепшісі мамандығына арналған ұлттық емтиханда ең жоғары нәтиже көрсеткен абитуриент түрткі болған. Ол емтихан кезінде көшіру үшін шағын камера мен смартфон пайдаланғанын айтқан. Оқиға елдегі жоғары оқу орындарына түсуге арналған ең маңызды емтихан – "Сунын" тестіне аз уақыт қалғанда болған. Бұл туралы The Guardian басылымы жазады.
Осы даудан кейін билік қауіпсіздік шараларын шұғыл түрде күшейтті. Емтихан орталықтарында жалпыға қолжетімді Wi-Fi желісі өшіріліп, абитурриенттерден электронды құрылғыларын тапсыру талап етілді. Сондай-ақ көзілдірік, сағат, жағалар, жеңдер мен түймелер жасырын камералардың бар-жоғына тексеріле бастады.
Бұдан бөлек, үкімет азаматтардың телефондарына дыбысы барынша қатты шығатын шұғыл хабарламалар жіберген. Осылайша емтихан алдында тапсырылмай қалған электронды құрылғыларды анықтау көзделген.
Тексеру нәтижесінде электронды құрылғыларды пайдалану ережелерін бұзудың 111 дерегі анықталды. Олардың жартысына жуығы шұғыл хабарламалар арқылы әшкереленген.
Министрдің аталған жағдайға қатысты кеш әрекет етуі қоғам тарапынан сынға ұшырады. Чхве Кё Джин биліктің тиісті деңгейде дайындалмағанын да мойындады.
Ақыры министр жауапкершілікті толық мойнына алатынын айтып, қызметінен кететінін мәлімдеді.
Оңтүстік Корея оқушылары үшін "Сунын" емтиханы өте маңызды. Себебі оның нәтижесі университетке түсу-түспеу мүмкіндігіне тікелей әсер етеді. Емтихан кезінде елде, тіпті әуе рейстерінің кестесі өзгертіліп, көлік қозғалысы шектеледі және қор биржасының ашылу уақыты кейінге шегеріледі.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
15:02, 22 қараша 2026
1200-ден астам құқық бұзушылық: Астанада жаппай рейд жүріп жатыр
-
14:19, 22 қараша 2026
Қазақстандық пара спортшы Малик Мұқашев таеквондодан әлем чемпионы атанды
-
13:48, 22 қараша 2026
Әйелі 7,5 млн теңгеге кісі жалдап, күйеуінің көңілдесін өлтірткен
-
12:55, 22 қараша 2026
Еліміздің екі өңірінде қолайсыз ауа райына байланысты төрт жол учаскесі жабылды
-
12:06, 22 қараша 2026
«Реал» Ла Лига аясында қатарынан тоғыз матчта жеңіске жетті





