«Реал» Ла Лига аясында қатарынан тоғыз матчта жеңіске жетті
© Фото: zakon.kz
22 қарашаға қараған түні Испания чемпионатының 13-туры аясында мадридтік "Реал" өз алаңында "Сельтаны" 2:1 есебімен ұтты. Осылайша, команда қатарынан тоғызыншы жеңісіне қол жеткізді, деп хабарлайды Zakon.kz.
Кездесудің алтыншы минутында қонақтар Пабло Дуранның голының арқасында есеп ашты. Алайда алаң иелері үзілістен кейін таразы басын теңестірді және көп ұзамай жеңісті жұлып алды.
Алдымен 66-минутта Джуд Беллингем "Сельтаның" қақпасын дәл көздеп, командасына есепті теңестіруге мүмкіндік берді. Ал матчтың нүктесін негізгі уақыттың аяқталуына бес минут қалғанда алаңға қосалқы құрамнан шыққан Карлос Эспи қойып, жеңіс голын соқты.
Осылайша, "Реал" барлық турнирді қоса есептегенде қатарынан тоғыз матчта жеңіске жетіп отыр.
Жозе Моуринью шәкірттері соңғы рет 20 қыркүйекте мадридтік "Атлетикоға" 1:2 есебімен есе жіберген болатын.
Содан бері "корольдік клуб" Ла Лигада алты рет, ал УЕФА Чемпиондар лигасында үш рет жеңіске жетті.
Қазіргі уақытта мадридтік команда 33 ұпай жинап, "Барселонамен" ұпай саны бойынша теңесті. Алайда турнир кестесінде, әзірге екінші орында тұр.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
12:55, 22 қараша 2026
Еліміздің екі өңірінде қолайсыз ауа райына байланысты төрт жол учаскесі жабылды
-
11:38, 22 қараша 2026
Астана мен Алматының ақша айырбас орындарындағы валюта бағамы - 22 қараша
-
11:25, 22 қараша 2026
Ұлытау облысында жыл басынан бері дрифт жасаған 14 көлік жүргізушісі жауапқа тартылды
-
11:13, 22 қараша 2026
WTA 125 турнирі: Құламбаева екі аптада екі рет чемпион атанды
-
10:57, 22 қараша 2026
Балқаш көліне балық алауға кетіп, оралмаған ер адам аман-есен табылды





