Әйелі 7,5 млн теңгеге кісі жалдап, күйеуінің көңілдесін өлтірткен
© Фото: zakon.kz
Үндістанда орман ішінде 35 жастағы әйелді өлтіру ісі бойынша төрт адам ұсталды. Тергеу нұсқасына сәйкес, қылмысты күйеуін қызғанған марқұмның танысының әйелі ұйымдастырған. Марқұм әуе компаниясында жұмыс істеген, деп хабарлайды Zakon.kz.
NDTV басылымының мәліметінше, кісі өлтіру оқиғасы Үндістанның Махараштра штатында болған. Пуна ауданында тұратын Варша Туркар Дивали мерекесіне орай туған ауылы – Балангхат округіндегі Кинхи ауылына барған.
Сол жерде ол танысы Нитеш Агравалмен кездесіп, екеуі Гондия округіндегі Тирода қаласына жол тартқан.
"Қайтар жолда олар Бондрани ауылының маңындағы Шива ғибадатханасының жанындағы орманға шыққан. Сағат 17:30 бен 18:00 аралығында әйелге пышақ ұстаған үш ер адам шабуыл жасаған. Оның қорнына және арқасы пышақ жарақаттары салынған, ол оқиға орнында көз жұмды", делінген хабарламада.
Полиция аталған факті бойынша алты жедел топ құрып, төрт күн ішінде олардың жүрген бағыты бойынша орнатылған 200-ге жуық бейнебақылау камерасының жазбасын тексерген. Камералардың бірінен Агравалдың көлігінің соңынан мотоциклмен ілескен үш ер адам байқалған.
"Күдікті күйеуінің марқұммен қарым-қатынасына наразы болған, сондықтан кісі өлтіру қылмысын ұйымдастырған", деп мәлімдеді полиция ұсталғандардың бірінен жауап алғаннан кейін.
Тергеу деректеріне сәйкес, 41 жастағы Мона Агравал, Нитеш Агравалдың әйелі, көршісі Кунал Кумбхалкардан көмек сұраған. Ол бұрын сотталған Шах Рух Патханмен байланысып, кісі өлтіргені үшін 1,3 миллион рупий (шамамен 7,5 миллион теңге) төлеуге уәде берген.
Әйелге шабуыл жасауға жергілікті үш тұрғын келіскен. Олар – 26 жастағы Имран Карим Шейх, 24 жастағы Нален (Найлан) Шейх және 19 жастағы Криш Раут.
Тергеушілер қылмыскерлер Нитеш Агравалдың жүрген жерін GPS-трекер арқылы бақылап отырғанын анықтаған. Көлік оның әйелінің атына тіркелгендіктен, қозғалысын қадағалау қиын болмаған.
Қазіргі уақытта төрт күдікті ұсталып, әрі қарай тергеу мақсатында Даванивада полиция бөлімшесіне жеткізілді. Тағы екі күдіктіге іздеу жарияланған.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
12:55, 22 қараша 2026
Еліміздің екі өңірінде қолайсыз ауа райына байланысты төрт жол учаскесі жабылды
-
12:06, 22 қараша 2026
«Реал» Ла Лига аясында қатарынан тоғыз матчта жеңіске жетті
-
11:38, 22 қараша 2026
Астана мен Алматының ақша айырбас орындарындағы валюта бағамы - 22 қараша
-
11:25, 22 қараша 2026
Ұлытау облысында жыл басынан бері дрифт жасаған 14 көлік жүргізушісі жауапқа тартылды
-
11:13, 22 қараша 2026
WTA 125 турнирі: Құламбаева екі аптада екі рет чемпион атанды





