Құм мен саз аралас: Алматы облысындағы ауылдардың бірі ауыз су азабын тартып отыр

Алматы облысындағы Кіші Байсерке ауылының тұрғындары ауыз судың сапасыздығына шағымданады, деп хабарлайды Zakon.kz.

Олар өз мәселесімен "Еуразия" бірінші арнасының редакциясына жүгінген. Ауыл тұрғындарының айтуынша, өткен жылдан бастап краннан сумен бірге құм, ал қаңтардан бастап саз аралас шыққан.

Өткен жылдың жазында жергілікті су арнасы құбырларды ауыстырған, бірақ күзде тағы да төтенше жағдай орын алыпты. Тұрғындар бірнеше рет ауылдық округ әкіміне жүгінімен ешқандай шара қолданылмаған.

Әкімдік техногендік төтенше жағдай орын алғандығын алға тартады. Байсерке ауылдық округінің әкімі Болат Тоғызбаевтың айтуынша, 400 абонентке қызмет көрсететін жаңа ұңғымада жарықтар пайда болған.

Бұған дейін Самара – Шымкент тас жолында 82 шетел азаматы құтқарылғандығы хабарланған болатын.