Тоқаев Грекиядағы және Кипрдегі елшілерді тағайындады

Президент Қасым-Жомарт Тоқаев бүгін, 23 қаңтарда Қазақстанның Грекиядағы және Кипрдегі төтенше және өкілетті елшілерін тағайындады, деп хабарлайды Zakon.kz Ақорданың баспасөз қызметіне сілтеме жасап.

Мемлекет басшысының жарлықтарымен:

• Тимур Шәмілұлы Сұлтанғожин Қазақстан Республикасының Грек Республикасындағы төтенше және өкілетті елшісі лауазымына тағайындалды;
• Николай Владимирович Жұмақанов Қазақстан Республикасының Кипр Республикасындағы төтенше және өкілетті елшісі лауазымына тағайындалды.

Еске салайық, Қасым-Жомарт Тоқаев 2025 жылғы 5 қаңтарда Мысыр, Ирак және басқа да елдерге жаңа елшілерді тағайындаған еді.