Мүгедек адамның атындағы алаяқтық жолмен тіркелген автонесие 10 жылдан кейін кешірілді

19:46, 22 қаңтар 2025

© Сурет: pixabay

Алаяқтар 2014 жылы ерекше қажеттіліктері бар тұлғаның атына автокөлік рәсімдеген. Жәбірленуші бала кезінен мүгедек болып табылатыны және психоневрологиялық диспансерде есепте тұратыны анықталды. Бұл туралы ақпаратпен қалалық прокуратура бөлісті, деп хабарлайды Zakon.kz.

Құзырлы ведомство мәліметінше, қаскөйлер психикалық ауруды пайдаланып, жәбірленушіні Қостанай облысынан Астана қаласына жеткізіп, алаяқтық жолмен оған 5 млн теңге көлемінде автонесие рәсімдеген.

"Есіл ауданы прокуратурасы қылмыстық іс бойынша жәбірленушіні әрекетке қабілетсіз деп тану туралы сотқа талап арыз жолдады. Сот шешімімен талап арыз қанағаттандырылды. Нәтижесінде прокуратураның көмегімен 10 жылдық несиелік қарыз толығымен есептен шығарылды. Қазіргі уақытта қылмыс жасаған адамдарды анықтау бойынша жедел-тергеу шаралары жүргізілуде". Астана қаласының прокуратурасы

Халықтың әлеуметтік осал топтарының құқықтарын қорғау мәселесі елорда прокуратурасының тұрақты бақылауында.

Бұған дейін Қазақстанда халық пен бизнеске берілген несиелер көлемі 40 трлн теңгеден асқаны хабарланған.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!