Қоғамдық басымдықтар: отбасы, жұмыс және қауіпсіздік - ҚСЗИ сауалнамасы
![](https://mail.kz/images/4633b87320a62a2ddde78a7b379dfc98-slider.jpg)
© Сурет: pexels
ҚР Президенті жанындағы Қазақстанның стратегиялық зерттеулер институты ағымдағы жылдың 11 мамыры мен 22 маусымы аралығында әлеуметтанулық сауалнама жүргізді. Іріктеме көлемі 8000 респондентті құрайды.
Сауалнамаға 17 облыс пен республикалық маңызы бар қалалар: Астана, Алматы және Шымкенттің 18 жастан асқан респонденттері қатысты.
Сауалнама барысында респонденттерге ұлтты біріктіретін негізгі белгілерді анықтау ұсынылды. Бірінші кезекте – бұл паспорт, – респонденттердің 46%-ы оны негізгі біріктіруші фактор деп санайды. Екіншіден, бұл Қазақстан жерінде туылғаны және ортақ ата-бабалардың болуы (39,9%). Сондай-ақ, сауалнамаға қатысқандардың үштен бірі (32,0%) ұлттың біріктіруші элементі ретінде тілдің ортақтығын көрсетеді.
Сауалнамаға қатысқан әрбір бесінші адам (21,8%) елдің жетістіктері үшін мақтаныш, патриотизм сезімі және баршаға ортақ құндылықтар, нормалар мен мінез-құлық (21,3%) ұлтты біріктіреді деп санайды (жауаптар саны 100%-дан асады, себебі респонденттерге бірнеше жауап нұсқасын таңдау берілді).
Ал бізді еліміздің азаматы ететін не? Респонденттердің басым көпшілігі азаматтылықтың маңызды көрінісі заңға бағыну, заңдарды сақтау деп санайды (сауалнамаға қатысқандардың 63,3%).
Егер адамдар ортақ, ұқсас идеалдарға ие болса, кез-келген қоғам үйлесімді және біртұтас болады. Қазақстандықтар отбасы (99,6%), жұмыс және еңбек (92,9%) және достар (92,4%) сияқты ұғымдарды маңызды деп санай отырып, бірауыздылықты көрсетеді.
Сауалнамаға қатысқандардың көпшілігінің пікірінше, қажырлы еңбек марапатталуы керек: "толық келісемін" жауабын респонденттердің 66,2%-ы, "келісемін" жауабын 32,5%-ы таңдаған. Сонымен қатар қоғамда патерналистік үміттер сақталып келеді, респонденттердің 93,8%-ы үкімет әрбір азамат үшін жақсы өмір сүру деңгейін қамтамасыз етуі керек деп санайды ("толық келісемін" – 53,8%, "келісемін" – 40,0%).
Сауалнама нәтижелері қазақстандықтардың басым көпшілігінің (91,2%) түсінігінде ғылым мен технология өмір сүру сапасын жақсартуда шешуші рөл атқаратынын көрсетеді.
Респонденттердің құндылықтарын талдау еркіндік құндылығының теңдікке қарағанда артықшылығын көрсетеді (62,9% және 33,8%). Ал, қауіпсіздік еркіндікпен салыстырғанда маңызды құндылық ретінде қарастырылады (68,7% және 28,6%).
Осылайша, жинақталған мәліметтер азаматтардың құндылықтарының бірлігін, отбасы, еңбек және қауіпсіздік құндылықтарының басымдығын көрсетеді.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:50, 8 шілде 2024
Алматыда тағы бір даңғылдың учаскесі біраз уақытқа жабылады
-
17:22, 8 шілде 2024
Мейрамбек Қартбай Париж Олимпиадасына жолдама алды
-
17:05, 8 шілде 2024
Жібек Құламбаев Сербиядағы турнирдің чемпионы атанды
-
16:55, 8 шілде 2024
Найзағай, нөсер жаңбыр, бұршақ: синоптиктер ауа райына байланысты 17 өңірде ескерту жасады
-
16:30, 8 шілде 2024
Қызылордада 4-сынып оқушысы бассейнге құлап кеткен сәбиді құтқарды