Қызылордада 4-сынып оқушысы бассейнге құлап кеткен сәбиді құтқарды
© Сурет жеке мұрағатынан
Қызылордада бассейнге құлап кеткен екі жастағы інісін құтқарып қалған 4-сынып оқушысы Айсұлтан Хұсайынға облыстық төтенше жағдайлар департаменті алғыс білдірді, деп хабарлайды Zakon.kz.
Айсұлтанның отбасы ағайындардың басын қосып, саяжайда ас берген. Сол жерде ересектерге арналған суға түсетін орында екі жастағы Хантөре байқаусызда суға түсіп кетеді, деп жазды inform.kz.
Оқиғаның қалай болғанын Айсұлтанның атасы Хұсайын Қоразбаев айтып берді.
"Ата-анасының бақылап отырғанына қарамастан екі жастағы Хантөре абайсызда ересектерге арналған бассейнге құлап кетті. Ол су түбіне кете бастаған кезде сол жерде тұрған 1-сынып оқушысы Жансұлтан айқайлап, үлкендерді көмекке шақырады. Сол сәтте Айсұлтан дереу суға секіріп, Хантөрені құтқарып қалды. Балаларға арналған үрлемелі баллонға салып жағаға алып шығып, сол жерге келген ата-анасының қолына табыстады. Уақытылы, дәл, сапалы көрсетілген көмектің арқасында кішкентай Хантөреге медициналық көмектің қажеті болмады", - дейді Хұсайын Қоразбаев.
Айсұлтан – тоғыз жаста, егіздің сыңары, Ерсұлтан есімді бауыры бар. Олар – облыс орталығындағы дарынды балаларға арналған "Мұрагер" мектебінің 4-сыныбында оқиды. Екеуі де оқу озаты. Сабақтан тыс уақытта "Еуразия" спорт кешенінің жүзу секциясына, шахмат клубына барады.
Облыстық төтенше жағдайлар департаменті Айсұлтанның ерлігін жоғары бағалап, оған алғыс білдірді.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
14:43, 6 қазан 2024
ҚР Бас прокуратурасы: Референдумда өрескел заң бұзушылықтар тіркелген жоқ
-
14:31, 6 қазан 2024
Аида Балаева: Референдум – мемлекет басшысының реформаларына тікелей қатысты өзгерістердің дәлелі
-
14:18, 6 қазан 2024
6 қазандағы айырбастау пункттеріндегі валюта бағамы қандай
-
14:07, 6 қазан 2024
Атом электр станцияларына қатысты референдумда қазақстандықтардың жартысынан астамы дауыс берді
-
14:07, 6 қазан 2024
Орталық сайлау комиссиясы сағат 14.00-ге дейін азаматтардың келуі туралы ақпарат берді