Израиль мен ХАМАС арасындағы атысты доғару туралы келісім өз күшіне енді

Израиль Газа секторында атысты доғару режимі енгізілгенін жариялады. Келісім Астана уақыты бойынша сағат 14:15-те өз күшіне енді, деп хабарлайды Zakon.kz.

Бұл туралы ақпарат Израиль премьер-министрі Беньямин Нетаньяхудың кеңсесінде бүгін, 19 қаңтарда босатылуы тиіс кепілге алынған адамдардың тізімі алғаннан кейін расталды, деп хабарлайды KAN мемлекеттік теледидары.

"Кепілге алынған адамдарды босату туралы келісімге сәйкес, Газа секторында бірінші кезеңде атысты доғару режимі жергілікті уақыт бойынша 11:15-те күшіне енді", делінген хабарламада.

Бұған дейін ХАМАС арағайын елдерге Газа секторындағы атысты тоқтату туралы келісім аясында 2025 жылдың 19 қаңтарында босатуға жататын кепілдегі адамдардың тізімін бергенін хабарлады. Газа секторында атысты доғару режимі 19 қаңтарда жергілікті уақыт бойынша 8:30-да (Астана уақыты бойынша 11:30-да) күшіне енуі тиіс еді. Бұл туралы 18 қаңтарда Катар СІМ өкілі Мажед Әл-Ансари хабарлады.