«Сенбеңіздер, қайтып келе жатырмыз алданып!». Алматылық жігіт Ресейде құлдыққа түсе жаздаған

20 жастағы Рамазан Ресейдің Волгоград қаласына нәпақа табу үшін барып, құлдыққа түсе жаздады, деп хабарлайды Zakon.kz.

Жігіт YouTube-те пайда болған жарнамаға сеніп қалғанын айтады. Ол бір апта бойы жақсы жұмыс істеп, бірақ содан кейін өзінің алданғанын түсінеді. Жігіт төлқұжатын кері ала алмаған, уәде етілген жалақы да жоқ. Оның айтуынша, бас бостандығына қауіп төніп, табыс табу туралы арманы қорқынышты түске айналған.

Полицейлердің арқасында ол төлқұжатын қайтарып алады, бірақ оған ешкім жалақы төлемеген. Содан кейін Рамазан жұмыс орнын тастап қашып кетеді. Түнде оны Ақтөбеге жұмыстарымен бара жатқан атыраулық жігіттер жол бойынан кезіктіреді.

Рамазанның түнгі құтқарушылары мобилограф пен блогер болып шығады. Сондықтан олар Рамазанға бірден қор ашып, оның Алматыға қайтуы үшін қажетті соманы тез жинап береді.

Рамазан өзі секілді жастарға интернеттегі хабарландыруларға иланып қалмауды ескертеді. Әсіресе, егер құс фабрикалары, ет комбинаттары және балық зауыттарындағы жұмыстарды ұсынып жатса.

Посмотреть эту публикацию в Instagram

Публикация от ИНФО АКТОБЕ | INFO AQTOBE (@info_aqtobe)