ІІМ-де бірқатар кадрлық тағайындаулар жасалды

ІІМ-де бірқатар кадрлық тағайындаулар жасалды, деп хабарлайды Zakon.kz.

Жоспарлы ротация тәртібімен, Ішкі істер министрінің бұйрығымен, Президент Әкімшілігімен келісілген түрде ведомствода бірқатар кадрлық тағайындаулар жүзеге асырылды.

Полиция генерал-майоры Айдос Рысбаев Ішкі істер министрлігінің Аппаратының басшысы болып тағайындалды. Ол бұған дейін Көліктегі полиция департаментінің бастығы болған.

Полиция генерал-майоры Мұрат Кабденов, бұған дейін Түркістан облысы полиция департаментінің бастығы болған, ІІМ Әкімшілік полиция комитетінің төрағасы болып тағайындалды.

Полиция генерал-майоры Арыстанғани Заппаров, бұған дейін Алматы қаласы полиция департаментінің бастығы болған, Түркістан облысы полиция департаментінің бастығы болып тағайындалды.

Полиция генерал-майоры Айдын Кабдұлдинов, бұған дейін Солтүстік Қазақстан облысы полиция департаментінің бастығы болған, Алматы қаласы полиция департаментінің бастығы болып тағайындалды.

Полиция полковнигі Абай Жүсіпов, бұған дейін Ақтөбе облысы полиция департаментінің бастығы болған, Солтүстік Қазақстан облысы полиция департаментінің бастығы болып тағайындалды.

Полиция генерал-майоры Қайыркен Әлиев, бұған дейін Ұлытау облысы полиция департаментінің бастығы болған, Ақтөбе облысы полиция департаментінің бастығы болып тағайындалды.

Полиция генерал-майоры Нұрхат Оразбаев, бұған дейін Атырау облысы полиция департаментінің бастығы болған, Ұлытау облысы полиция департаментінің бастығы болып тағайындалды.

Полиция генерал-майоры Оңал Бекиев, бұған дейін ІІМ Аппаратының басшысы болған, Атырау облысы полиция департаментінің бастығы болып тағайындалды.