Қазақстанда ауа райы күрт өзгереді: 10–12 қаңтарға болжам

Келесі үш күнде Қазақстанның бүкіл аумағында ауа температурасы көтеріледі және жауын-шашын (жаңбыр, қар) түседі. Бұл туралы 2026 жылғы 10, 11 және 12 қаңтарға арналған болжамды Zakon.kz тілшісіне Қазгидромет РМК баспасөз қызметі ұсынды.

Болжамға сәйкес, солтүстік-батыстан келетін циклон әсерінен түнде қар, жергілікті боран, көктайғақ, күндіз жаңбыр мен қар күтеді:

• 10 қаңтардан бастап – батыста;
• 11 қаңтардан бастап – солтүстік-батыс, солтүстік және орталық өңірлерде;
• 12 қаңтардан бастап – шығыста.

"11 қаңтарда Қостанай және Солтүстік Қазақстан облыстарында қатты қар күтіледі. 10–12 қаңтарда оңтүстікте, 12 қаңтарда елдің оңтүстік-шығысында жаңбыр болады", – делінген Қазгидромет РМК хабарламасында.

Метеорологтардың айтуынша, республикада тұман және жел екпіні күтіледі.

"11 қаңтарда солтүстік пен орталықта, 12 қаңтарда шығыста күндіз ауа температурасы -3°С-тан +3°С-қа дейін болады", – дейді Қазгидромет РМК баспасөз қызметі.