Рыбакина Брисбендегі WTA 500 турнирімен қоштасты

10:35, 9 қаңтар 2026

© Сурет: X/TennisChannel

Қазақстанның бірінші ракеткасы, WTA әлемдік рейтингінде бесінші орында тұрған Елена Рыбакина Брисбенде өтіп жатқан WTA 500 санатындағы турнирдегі өнерін ширек финал кезеңінде аяқтады, деп хабарлайды Zakon.kz.

9 қаңтар күні Рыбакина Чехия өкілі Каролина Муховамен болған матчта ойынның бүкіл барысы бойы тұрақты нәтиже көрсете алмай, үш сетте жеңіліс тапты – 2:6, 6:2, 4:6. Кездесу екі сағаттан астам уақытқа созылды.

Мухова қазақстандық теннисшінің ойынындағы әлсіз сәттерді тиімді пайдаланып, шешуші сетте басымдылығын сақтап қалды да, турнирдің жартылай финалына жолдама алды.