Әйелімен жанжалдасып, мас күйде рөлге отырған көкшетаулық жеті жылға көлік жүргізу құқығынан айырылуы мүмкін
© Фото: pexels
Көкшетауда әйелімен ұрысып қалғаннан кейін ішімдік ішіп, түнгі қаланы көлікпен аралауға шыққан 52 жастағы ер адам ұсталды. Енді оған 15 тәулікке әкімшілік қамаққа алу және жеті жылға көлік басқару құқығынан айыру жазасы қолданылуы мүмкін, деп хабарлайды Zakon.kz.
Облыстық полиция департаментінің баспасөз қызметі 2026 жылғы 16 қарашада хабарлағандай, оқиға түнгі сағат үш шамасында болған.
Патрульдік полиция қызметкерлері 52 жастағы жергілікті тұрғын тізгіндеген Volkswagen Vento автокөлігін тоқтатқан. Құжаттарын тексеріп, сөйлесу барысында инспекторлар ер адамнан алкогольдің өткір иісі шығып тұрғанын байқаған.
"Тексеру кезінде жүргізушінің мас болғаны анықталды. Медициналық куәландыру нәтижесі де мұны растады. Ер адамның айтуынша, ол отбасылық жиында әйелімен жанжалдасып қалғаннан кейін арақ ішкен", – делінген ведомство хабарламасында.
Жүргізушіге қатысты әкімшілік хаттама толтырылды. Аталған бап бойынша 15 тәулікке әкімшілік қамаққа алу және жеті жылға көлік басқару құқығынан айыру жазасы қарастырылған.
Полицейлер тұрғындарды ішімдік ішкеннен кейін рөлге отырмауға шақырды. Олар отбасылық келіспеушіліктерді шешуге болатынын, ал мас күйде көлік жүргізу орны толмас қайғыға әкелуі мүмкін екенін ескертті.
Бұған дейін Петропавлда патрульдік полиция қызметкерлері түнгі рейд кезінде 34 жастағы мас жүргізушіні ұстаған. Тексеру барысында оның жүргізуші куәлігі мүлде болмағаны анықталды.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
08:41, 17 қараша 2026
Дарынды балаларға арналған лицейдің жатақханасында өрт шықты
-
08:23, 17 қараша 2026
Түрмелерде орын жоқ: Нидерландта сотталғандарды мерзімінен бұрын босату шарасы кеңейтіледі
-
08:08, 17 қараша 2026
«Қазгидромет» 11 қаланың тұрғындарына ескерту жасады
-
00:29, 17 қараша 2026
Таеквондодан Астанадағы Гран-при финалына қатысатын қазақстандықтар анықталды
-
00:27, 17 қараша 2026
Студент қыз сегізінші қабаттан құлап, аман қалды





