Алматылықтарға Үлкен Алматы өзеніндегі өлім қаупі туралы ескерту жасалды

2025 жылғы 15 шілдеде Алматының төтенше жағдайлар департаменті қала тұрғындарына үндеу жасады, деп хабарлайды Zakon.kz.

"Сіз Үлкен Алматы өзенінің бойында – Төле би көшесінен Райымбек даңғылына дейінгі, яғни өзен Сайран көлінен шығып жатқан бөлігінде біреулердің шомылып жүргенін немесе кілем жуып жатқанын талай рет көрген боларсыз. Бірақ бұл аумақтың қауіпті екенін, мұнда шомылуға қатаң тыйым салынғанын білесіз бе?", - делінген ТЖД хабарламасында.

Ведомство өкілдері бұл жерде ағын су өте қауіпті екенін ескертеді: су сізді лезде ағызып әкетуі мүмкін, ал көмек шақырып үлгермей де қаласыз.

Посмотреть эту публикацию в Instagram

Публикация от Департамент по ЧС г.Алматы (@112almaty_tjd)

"Осыны еске салу мақсатында Әуезов ауданының төтенше жағдайлар басқармасы әкімдікпен бірлесіп, өзен арнасы бойына "Шомылуға болмайды!" деген ірі жазбалар орнатты. Бір сәттік салқындау үшін өміріңізді қатерге тікпеңіз. Өзіңізге сақ болыңыз!" - делінген ТЖД үндеуінде.