Ұлттық банк тағы бір жаңа монета түрін айналысқа шығармақ

Қазақстан Ұлттық Банкі "Қазақстанның әдет-ғұрыптары, ұлттық ойындары" монеталар сериясынан QAZAQ KÚRESI коллекциялық монеталарын айналысқа шығарады, деп хабарлайды Zakon.kz.

Ведомство таратқан ақпарға сүйенсек, монеталар 2025 жылғы 17 желтоқсаннан бастап ҚҰБ https://kazcoins.nationalbank.kz интернет-дүкені арқылы сатылады.

Коллекциялық монеталар туралы

"Қазақ күресі" – қазақ халқының дәстүрлі ұлттық күресі. Қос қарсылас еп пен төзімділік танытып, өзара күш сынасады. Бұл жекпе-жектің сан ғасырлық тарихы бар. Ол қазақ мәдениетінің маңызды бөлігі әрі спорттық мұрасы саналады.

Монеталар:

- алтын жалатылған, күміс сынамасы – 925, массасы 24 грамм, диаметрі 37 мм, дайындау сапасы – рrооf, номиналы – 1 000 теңгелік, дайындау таралымы – 2 000 (екі мың) дана;

Күмістен дайындалған монетаның бейнесі

Сурет: ҚР Ұлттық банкі

- мельхиор (МН 25) қоспасынан дайындалған, массасы 15 грамм, диаметрі 33 мм, дайындау сапасы – brilliant uncirculated, номиналы – 200 теңгелік, таралымы – 5 000 (бес мың) дана;

Мельхиордан дайындалған монетаның бейнесі

Сурет: ҚР Ұлттық банкі

- нейзильбер (МНЦ 15-20) қоспасынан дайындалған, массасы 11,17 грамм, диаметрі 31 мм, дайындау сапасы – uncirculated, номиналы 200 – теңгелік, таралымы – 50 000 (елу мың) дана.

Нейзильберден дайындалған монетаның бейнесі

Сурет: ҚР Ұлттық банкі

Коллекциялық монеталар Қазақстан Республикасының бүкіл аумағында өзінің белгіленген құнына сай төлемнің барлық түрі бойынша қабылдануға, сондай-ақ елдің барлық банкінде банк шоттарына есепке алынуға, аударуға, ұсақталуға және айырбасталуға жатады.

Бұл ретте, банк коллекциялық монеталар Қазақстан теңге сарайында дайындалатындығын атап өтті.