Алматыда 100 пайыз жарықтандыру қашан болатынын Ерболат Досаев айтып берді
© Сурет: Алматы қаласы әкімдігінің баспасөз қызметі
Алматыдағы сыртқы жарықтандыру үлесі 2024 жылы 85%-ға дейін жеткізіліп, 2025 жылы 100%-ға жетеді. Бұл туралы Алматы әкімі Ерболат Досаев Бостандық ауданы тұрғындарының сұрағына жауап беру кезінде айтты.
"Әр аудан бойынша жарықтандырылмаған көше бар. Бізде сол көшелерді жарықтандыруға арналған бағдарлама бар. Бостандық ауданында мұндай 54 көше бар. Бұл мәселе "Халық қатысатын бюджет" бағдарламасы немесе тікелей қаржыландыру арқылы шешіледі. Сонымен қатар, "Алматы қала жарық" қызметінің тиімділігін арттыру бойынша шаралар қабылданды. Тұрғындардың өтініші ескерілді. Көшелер мен аулаларды жарықтандыруға бөлінген қаражат аудандарға бөлінді, — деп қала әкімі жағдайдың айтарлықтай жақсарғанын, бірақ әлі де жетілдіру қажет екенін атады.
Ерболат Досаевтың айтуынша, сыртқы жарықтандыру мәселесімен қоса, саябақтарды жарықтандыру, ғимараттар мен құрылыстарды сәулеттік жарықтандыру жайы да шешіліп келеді.
Бостандық ауданында биыл жыл басынан бері 1 846 шам ауыстырылған. Биыл күзде тағы 267 тірек пен шам ауыстырылды. Осы күзде шамдары бар тағы 267 тірек орнатылады. Сонымен қатар, 2024 жылдың соңына дейін 9 ескерткішке түнгі жарықтандыру орнату жоспарланған.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:57, 16 қыркүйек 2024
Қазақстан қалаларының бірі ерекше мәртебеге ие болады
-
13:43, 16 қыркүйек 2024
Алдағы күндері республика бойынша жаңбыр жауып, найзағай ойнайды
-
13:31, 16 қыркүйек 2024
Түркістанда жергілікті атқарушы органдардың нашақорлыққа қарсы форумына 1000-нан астам адам қатысты
-
13:25, 16 қыркүйек 2024
Арқалықта полиция қызметкерлері кәріз құдығына құлап кеткен әйелді құтқарды
-
13:17, 16 қыркүйек 2024
Экипаж мүшелерінің ұшу алдындағы медициналық тексерісі жаңа форматқа ауыстырылды