«Қоршауға «жапсыра» салды». Алматыда жол апаты салдарынан ұзын-сонар көлік кептелісі пайда болды

Алматыда Құлжа тас жолында Mercedes пен ЗИЛ жүк көлігі соқтығысып, көлік кептелісі орын алды. Жол апаты 15 қыркүйекте түстен кейін "Жетісу" базарының жанында болды, деп хабарлайды Zakon.kz.

Zakon.kz тілшісінің мәліметінше, Mercedes Құлжа тас жолы бойымен оңтүстік бағытта келе жатқан, бірақ Рысқұлов даңғылына жетпей, белгісіз себептерге байланысты рөлге ие бола алмаған жүргізуші бар жылдамдығымен жол шетіндегі қоршауға соғылды. Қатты соққыдан көліктің артқы жағы жолға шығып, оны сол бетте ЗИЛ іліп кетті.

"Жүк көлігі жүргізушісінің айтуынша, ол шетелдік көліктің жол қоршауына тікесінен тартып бара жатқанын көрген, бірақ оның дер кезінде тоқтайтындығына сенімді болыпты. Алайда, олай болмады, ЗИЛ Mercedes-ті қоршауға одан сайын "жапсыра" салды. Соққының күшті болғаны соншалықты, тіпті жүк көлігінің дөңгелегі жұлынып кеткен", деп хабарлайды Zakon.kz тілшісі оқиға орнынан.

Бақытымызға орай, жол апатына түскендердің ешқайсысы зардап шеккен жоқ. Сол маңнан өтіп бара жатқан жедел жәрдем көлігі тоқтаған, бірақ шұғыл медициналық көмекті ешкім қажет етпеген.

Құлжа тас жолында аталған жол апаты салдарынан ұзын-сонар көлік кептілісі пайда болды. Сонымен қатар, егер солтүстік бағытта қандай да іс-қимыл байқалмағанымен, ал оңтүстік бағыт "қатқан" күйі тұр. Қазір көліктер жолдан шетке шығарылып жатыр, полиция қызметкерлері жол апатын рәсімдеуге кірісті.

Астанада 2024 жылдың 14 қыркүйегінде жеңіл көлік жол жөндеу жұмыстарын жүргізіп жатқан ер адамдардың бірін қағып, мерт етті.