Алматыда мереке күндері қоғамдық көліктердің жұмыс кестесі белгілі болды

Алматы қалалық ұтқырлық басқармасы қаладағы қоғамдық көліктердің жаңа жылдық мереке күндері қалай жұмыс істейтінін айтты, деп хабарлайды Zakon.kz.

2024 жылдың 30 желтоқсанында оңтүстік астана әкімдігінің баспасөз қызметі қоғамдық көліктердің тиісті кестесін жолдады.

Мәселен, 1 қаңтарда желіге жоспарланған демалыс күнінен жылжымалы құрамның 50% шығады, 2-4 қаңтарда қоғамдық көлік демалыс күнінің кестесі бойынша жұмыс істейтін болады.

№12 маршрут "Алматы-2 теміржол вокзалы – "Медеу" БСК 1-4 қаңтар аралығында желіге 20 бірлік жылжымалы құрам шығатын демалыс күнгі кесте бойынша жұмыс істейтін болады.

№3 түнгі маршрут өзгеріссіз жұмыс істейді.

Алматы қаласы метрополитенінің жұмысы демалыс күнінің кестесі бойынша сағат 06:20-дан 00:00-ге дейін 12-15 минуттық қозғалыс аралығымен ұйымдастырылады.