Алматыда Қапшағай көпіріне шығатын және түсетін жолдар уақытша жабылады

Алматыда 16 қыркүйекке дейін орташа жөндеу жұмыстарына байланысты Қапшағай көпіріне шығатын және түсетін жолдар жабылады, деп хабарлайды Zakon.kz.

Қалалық әкімдіктің баспасөз қызметінің мәліметінше, 13 қыркүйекте сағат 23:00-ден 15 қыркүйек сағат 11:00-ге дейін батыс қанаттағы көпірге шығатын және түсетін жолдар жабылады. Бұл ретте айналып өту Бұрындай, Өрлеу және Жайсан көшелері арқылы ұйымдастырылады.

14 қыркүйекте сағат 23:00-ден 16 қыркүйек сағат 11:00-ге дейін көпірдің батысқа қарама-қарсы шығатын және түсетін жолдары жабылады. Бұл ретте айналып өту Бұрындай, Солтүстік айналма көшелері арқылы ұйымдастырылады. Жол жөндеу учаскесінде ескерту белгілері қойылады.