Алматыда автобуспен болған жол апатына түрткі Kia-ның жүргізушісі екі айға қамауға алынды

Адвокат Қанат Әлсейітовтің әлеуметтік желіде Алматыдағы автобуспен болған жол апытан түрткі деп күдікке ілінген әйелдің екі айға қамауға алынғанын айтқан хабарламасы тарады, деп хабарлайды Zakon.kz.

Анель Сартаева жол ережелерін бұзып, №18 автобуспен соқтығысты деп айыпталады. Аталған апат салдарынан бір жолаушы қаза тауып, 20-дан астам адам зардап шекті.

Адвокат Қанат Әлсейітовтың айтуынша, әйелді кепілдік беріп, босатудан бас тартылған. Қазір ол тергеу изоляторында отыр.

26 маусымда Kia көлігінің жүргізушісі Мақатаев көшесін кесіп өтіп, "City-Bus" ЖШС жеке тасымалдаушысы қызмет көрсететін №18 автобуспен соқтығысқан. Апат салдарынан автобустың 16 жолаушысы медициналық көмекке жүгініп, бір жолаушы оқиға орнында қаза тапты.