Алматы облысының тауларында адасып кеткен бес жас турист табылды

09:59, 1 шілде 2024

© Сурет: Zakon.kz/Максим Золотухин

1 шілде күні таңертең Алматы облысының тауларында адасып кеткен бес турист құтқарылды, деп хабарлайды Zakon.kz.

ҚР ТЖМ мәліметінше, 5 адамнан тұратын туристік топ тауға көтеріліп, өз бетінше түсе алмаған. Оларды іздестіру операциясы Қарасай ауданының "Девичьи слёзы" сарқырамасының маңында жүргізілген.

Ауа-райының күрт өзгеруіне байланысты құтқару жұмыстары 5 сағатқа аса созылды. Құтқарушылардың үйлесімді іс-қимылы арқасында 19-20 жастағы жас туристтер аман-есен табылды. Олар медициналық көмекке мұқтаж болған жоқ.