Қонаққа барған: Қырғызстанда қаза тапқан балалардың денелері Өскеменге арнайы бортпен жеткізілді

Қырғызстанның Ош облысының Ноокат ауданындағы селден ауыл тұрғындар мен туристер арасында қаза тапқандар ішінде Шығыс Қазақстанның балалары да бар, деп хабарлайды Zakon.kz.

ШҚО әкімдігінің ақпаратынша, қайғылы оқиға болған күні екі ұл мен екі қыз аналарымен туыстарына қонаққа барған. Туристік аймаққа түскен селдер кішкентай жеткіншектердің өмірін қиып, екі елге де орны толмас қайғы әкелді.

1 шілде күні қаза тапқандардың денелерін Өскеменге арнайы бортпен жеткізді. Шығыс Қазақстан облысының әкімдігінде балалардың туыстарына көмек көрсету үшін жедел штаб құрылып, оған өңірдің барлық қызметтерінің мамандары жұмылдырылды.

"Өңір басшысы Ермек Көшербаев қаза тапқандардың туыстарымен кездесті. Осы қиын күндерде жергілікті атқарушы органдар жерлеу рәсімін ұйымдастырып, өткізуді өз мойындарына алды. Өңірдің кәсіпорындары мен бизнес өкілдері отбасыларға көмек көрсетуге дайын екендіктерін білдірді",- делінген хабарламада.

Әкімдік қызметкерлері мен Шығыс Қазақстан облысының тұрғындары қайғылы оқиғаға байланысты туыстарына көңіл айтты.

Бұған дейін Қырғызстан ТЖМ Ноқат ауданында табиғи апаттан жеті адам қаза тапқанын хабарлаған болатын.