Тоқаев Қырғызстан Президентіне көңіл айтты
![](https://mail.kz/images/37c80da8c53dbe72c5cc2e89bb084702-slider.jpg)
© Сурет: akorda.kz
2024 жылы 1 шілдеде Президент Қасым-Жомарт Тоқаев Қырғызстанның Ош облысы Нооқат ауданында сел жүру салдарынан адамдардың қаза табуына байланысты Қырғыз Республикасының Президенті Садыр Жапаровқа көңіл айту жеделхатын жолдады, деп хабарлайды Zakon.kz.
"Қазақстан халқының және жеке өз атымнан қаза тапқан азаматтардың отбасы мен жақын туыстарына қайғырып көңіл айтамын. Сондай-ақ зардап шеккендердің тезірек сауығып кетуіне тілектестік білдіремін. Қазақстан тату көршілік және өзара қолдау рухында табиғат апаты болған елді мекенге гуманитарлық көмек жіберді. Қажет болған жағдайда, бауырлас Қырғызстанға жәрдем беруге әзірміз", делінген Ақорда баспасөз қызметі таратқан жеделхатта.
Айта кетсек, бұған дейін қырғыз елінде сел жүріп, жеті адам қаза тапқаны, Ноқат ауданында ТЖ режимі жарияланғаны хабарланған. Кейіннен қаза тапқан азаматтар арасында қазақстандық балалар бары туралы белгілі болды. Кәмелетке толмаған екі жерлесіміздің қаза тапқаны және тағы екеуінің іздестіріліп жатқаны хабарланған. Көп ұзамай жоғалып кеткен екі қазақстандық баланың денесі табылғаны да хабарланды. Бүгін, 1 шілдеде ҚР құтқарушылары көрші елдегі селден қаза тапқан балалардың денелерін тасымалдау үшін Қырғызстанға ұшып барды.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
19:40, 3 шілде 2024
Тимофей Скатов Франциядағы турнирді сәтті бастады
-
19:22, 3 шілде 2024
Тоқаев Қатар Әмірімен екіжақты байланыстарды нығайту перспективаларын талқылады
-
19:17, 3 шілде 2024
Астанада ауа райына байланысты отшашу ертерек басталуы мүмкін
-
19:02, 3 шілде 2024
Тоқаев пен Си Цзиньпин Майра Мұхамедқызы мен Димаштың талантына тәнті болды
-
18:41, 3 шілде 2024
БҰҰ Бас хатшысы: Астана әрдайым бейбітшілік алаңы болды