Ақтөбелік өрт сөндірушілер жалынға оранған үй ішінен газ баллондарын шығарып, жарылыстың алдын алды

Ақтөбе облысы гарнизонның диспетчеріне Мұғалжар ауданындағы Қандыағаш қаласында жеке меншік үйдің бірінің ауласында орналасқан гараждан өрт шыққаны туралы хабарлама келіп түсті, деп хабарлайды Zakon.kz.

ҚР ТЖМ мәліметінше, шақырту орнына дереу бағытталған өрт есептортарының құрамында болған №8 өрт сөндіру бөлімінің бөлімше командирі азаматтық қорғау аға сержанты Шамаков Данат пен өрт сөндіруші-құтқарушы азаматтық қорғау кіші сержанты Самрат Мейрамбек өртке оранған құрылыстан 2 газ баллоны мен жанармайы бар канистрды жедел түрде шығарып, жарылыстың алдын алды.

"Өрт кәсіби өрт сөндірушілермен даму кезеңінде сөндіріліп, оқиға салдарынан ешкім зардап шеккен жоқ",- деп хабарлады ведомство.

17 қазанда Алматыдағы Құрманғазы– Байтұрсынов көшелерінің қиылысында орналасқан "Престиж Алатау" тұрғын үй кешенінде алапат өрт орын алды.