Әлеуметтік аударымдар мен бірыңғай төлемді қалай төлеуге болады: өзгерістер енгізілді

Еңбек министрлігінің 2024 жылғы 10 қазандағы бұйрығымен бірыңғай төлемді уақтылы және толық төлемегені үшін бірыңғай төлемнің немесе өсімпұлдың артық (қате) төленген сомаларын төлеу, аудару және бөлу, сондай-ақ қайтару қағидаларына өзгерістер енгізілді, деп хабарлайды Zakon.kz.

Құжатта әлеуметтік аударымдар мен бірыңғай төлем жиынтық төлем тапсырмасы бойынша төленетіні нақтыланды.

Жиынтық төлем тапсырмасы 2024 жылғы 11 қарашадан бастап қолданады:

• әлеуметтік аударымдарды, сондай-ақ әлеуметтік аударымдар бойынша берешекті немесе әлеуметтік аударымдарды уақтылы немесе толық төлемегені үшін өсімпұл;
• бірыңғай төлемді уақтылы немесе толық төлемегені үшін бірыңғай төлем немесе өсімпұл бойынша берешектер.

Төлемнің аударылатын сомасы Салық кодексінің 776-3-бабының 1-тармағына сәйкес есептелген мөлшерде көрсетіледі.

Сондай-ақ, жаңа редакцияда формалар да көрсетілген:

• әлеуметтік аударымдардың қате төленген сомаларын қайтаруға өтініштер;
• қате төленген бірыңғай төлем сомаларын қайтаруға өтініштер.

Барлық өзгерістер туралы мына жерден оқи аласыз.

Бұйрық 2024 жылғы 11 қарашадан бастап қолданысқа енгізіледі.