26 қыркүйекте елімізде найзағай ойнап, жаңбыр жауады

2026 жылғы 26 қыркүйек, сенбі күні Қазақстанның басым бөлігінде найзағай ойнап, жаңбыр жауады. Жауын-шашын атмосфералық фронттардың өтуіне байланысты болжанып отыр, деп хабарлайды Zakon.kz.

"Қазгидромет" РМК синоптиктерінің мәліметінше, елдің батысында ғана жауын-шашын болмайды. Бұл өңірде ауа райына антициклон жотасы әсер етеді.

Республика бойынша жел күшейеді. Ал күндіз оңтүстікте шаңды дауыл болуы мүмкін.

"Түнде және таңертең солтүстік-батыста, солтүстікте, шығыста және орталық өңірлерде тұман күтіледі". "Қазгидромет" РМК баспасөз қызметі

Сонымен қатар бірқатар өңірде өрт қаупінің жоғары және төтенше деңгейі сақталады.