Қазақстандық мәнерлеп сырғанаушы АҚШ-тағы турнирге қатысады

Мәнерлеп сырғанаудан Қазақстан құрамасының өкілі Софья Самоделкина ISU Cranberry Cup International 2025 турниріне қатысады, деп хабарлайды Zakon.kz.

АҚШ-тың Норвуд қаласында өтетін бұл жарыс 7 тамызда басталады.

9 тамыз күні әйелдер арасындағы жекелей сырғанаудың қысқа бағдарламасы өтеді.

Еске салайық, Самоделкина соңғы әлем чемпионатында 14-орын алып, 2026 жылғы Олимпиадаға жолдама жеңіп алған болатын.

Еске салайық, мұның алдында бокстан жастар арасындағы Азия чемпионатында қазақстандық бес спортшы финалға жолдама алғанын жазған едік.