Зейнеткерлердің 9 млн теңгесін алдап алған ақмолалық ұсталды

Ақмола облысында зейнеткерлердің сеніміне кіріп, 9 млн теңгесін алдап алған алаяқ қолға түсті, деп хабарлайды Zakon.kz.

Көкшетау қаласының полиция басқармасына облыс орталығында тұратын қарт ерлі-зайыптылар жүгінді.

Зейнеткерлер 9 млн теңгеден астам ақша қаражатын тартып алған әйелдің құрбаны болғанын хабарлады.

Алаяқ 2022-2024 жылдар аралығында әр түрлі сылтаулармен ерлі-зайыптылардан өз қажеттіліктеріне ақша алып келген.

Күдікті ретінде бұрын қылмыстық жауапкершілікке тартылмаған 32 жастағы жұмыс істемейтін жергілікті тұрғын анықталды.

Қаскүнемге қатысты ҚР ҚК-нің 190-бабының 3-бөлігі (Алаяқтық) бойынша сотқа дейінгі тергеу басталды.

Баптың санкциясы 7 жылға дейінгі мерзімге бас бостандығынан айыру түріндегі ең жоғары жазаны көздейді.