Ұмыт қалған чемоданнан 137 караттық әйгілі гауһар табылды

Канададағы банктің қоймасында бір ғасырдан астам уақыт бойы ұмыт қалған чемодан ашылып, бұрын жоғалды деп саналған корольдік әшекейлер қайта табылды. Соның ішінде атақты флоренциялық гауһар да бар, деп хабарлайды Zakon.kz.

Daily Galaxy басылымының мәліметінше, бұл чемодан Австро-Венгрияның соңғы императрицасы Зита Бурбон-Пармскаяға тиесілі болған.

Мәліметтерге қарағанда, бұл қойма 100 жылдан астам уақыт бойы ашылмаған. Әр буын Зитаның аманатын құрметтеп, ішіндегі дүниені құпия сақтап келген. Ақырында чемоданды оның ұрпақтары, соның ішінде Карл фон Габсбург-Лотарингский бастап ашқан. Нәтижесінде бұрын жоғалды деп есептелген кейбір бағалы заттардың шын мәнінде сақталғаны анықталды.

Посмотреть эту публикацию в Instagram

Публикация от jewelswithjules • julia hackman chafé (@juliachafe)

Табылған заттардың ішіндегі ең құндысы – салмағы шамамен 137 карат болатын ашық сары түсті флоренциялық гауһар. Оның тарихы Италиядағы Медичи әулетіне барып тіреледі. Кейін неке арқылы ол Габсбургтер әулетінің қазынасына өткен.

Бұл гауһар ерекше екі жақты раушан тәрізді қырланған, үшбұрышты қырлары бар. Бір кездері ол Австрияның тәждік әшекейлерінің құрамында болып, салтанатты рәсімдерде, соның ішінде императрица Мария Терезия сияқты тарихи тұлғалардың киімдерін әшекейлеген.

Чемоданның ішінде бұдан бөлек те бағалы заттар болған: асыл тастармен безендірілген төсбелгілер, венгр түстеріндегі қалпақ түйреуіштері, сондай-ақ ескі үлгіде қырланған гауһарлар мен сары сапфирлермен көмкерілген сәндік әшекейлер.

Бұл олжа табылғаннан кейін меншік құқығына қатысты сұрақтар туындады. Қазір Австрия билігі бұл әшекейлер отбасыда қалуы керек пе, әлде ұлттық мұра ретінде қарастырылуы тиіс пе – соны зерттеп жатыр.

Бұған дейін археологтардың миналанған аумақтан алтын толы қазына тапқанын жазғанбыз.