«Тірі қалу деңгейі өте сирек». Алматы облысында дәрігерлер күрделі отаны сәтті жасады

Алматы облысында дәрігерлер ауыр инсульт алған 66 жастағы әйелдің өмірін сақтап қалды.Ол ми тамыры жарылып, кома түскен күйде ауруханаға жеткізілдеген, деп хабарлайды Zakon.kz.

ҚР Денсаулық сақтау министрлігі баспасөз қызметінің хабарлауынша, Қонаев қалалық көпбейінді ауруханасының нейрохирург дәрігерлері, невропатологтары мен реаниматологтары миішілік қан кетудің ауыр түрімен ауырған әйелдің өмірін сақтап қалды.

"Пациентке артқы ми артериясының аневризмасының жарылуы диагнозы қойылды. Бұл асқыну кома, парез, аяқ-қолдың сал ауруы түрінде неврологиялық тапшылыққа әкеледі.Компьютерлік томографияның нәтижелері мидың бұзылуы және өлімге әкелуі мүмкін мишыққа, ми діңіне қан кетуді көрсетті", - дейді пациенттің емдеуші дәрігері Гүлнара Бөпешбаева.

Пациентке нейрохирург дәрігер Марат Римұлч Ғизатуллин сәтті операция жасады.

Ол сыртқы вентикулярлық дренаж жүргізді.Сондай-ақ, өмірді сақтап қалуға реаниматолог дәрігерлер Үдербаева Карина Өмірғалиқызы, Мұратбеков Марат Сарсекұлы, Жиренбаев Данияр Қаратайұлы, Телағұсов Қуаныш Ордабайұлы, Рахимов Қанат Исабекұлы қатысты, олар барлық қажетті алғашқы көмек көрсетіп, күрделі операцияға қатысып, операциядан кейінгі кезеңде көмек көрсетті.

Өмірін сақтап қалған әйелдің ұлы дәрігерлерге біліктілігі, үйлесімді командалық жұмысы үшін шексіз ризашылығын білдіреді және анасының өмір сеқтап қалған мамандарға зор денсаулық пен ұзақ өмір тіледі.

"Енді операциядан кейін бір ай өткен соң пациент мамандандырылған медициналық орталықтарда оңалтудан өтеді. Жақындары мен дәрігерлер өмірлік маңызды функциялардың қалпына келуін үлкен үмітпен күтеді. Күрделі операция міндетті әлеуметтік медициналық сақтандыру шеңберінде тегін жүргізілді". ҚР ДСМ баспасөз қызметі