Атыраулықтар сібір жарасына байланысты тіпті тексерілген жерден ет өнімдерін сатып алуға қорқып қалған

Екі адамда расталған "сібір жарасы" диагнозына байланысты атыраулықтар ет сатып алуға қорқып қалған. Тұтынушылардың белсенділігі төмен болғандықтан, сатушылар шығынға ұшырауда, деп хабарлайды Zakon.kz.

Эльмира Байдуллаева шамамен 10 жылдан бері осы салада. "Мен бәрін көрдім, бірақ дәл қазіргідей тұтынушылардың күрт төмендеуін бірінші рет көруім",- дейді ол. Оның айтуынша, алушылар қой мен жылқы етін аса сақтықпен, ал сиыр етін мүлдем алмайды. Сондай-ақ, ол етті қорықпай алуға болатындығын айтты. Себебі өнім саудаға екі тексерістен өткеннен кейін түседі. Облыста ірі қара малдың әкелінуін бақылау үшін барлық бақылау-өткізу пункттерінде егу жүргізілгенін растайтын құжаттар тексеріледі, жануарлардың жай-күйі тексеріледі, термометрия жүргізіледі.

"Сиыр еті бізде қатаң бақылаудан өтеді. Біреуі — сою кезінде. Екіншісі — нарықтағы зертханада. Соңғы күндері жылқы еті мен қой етінің сатылымы өсті. Мүмкін, бұл жануарлардың арасында сібір жарасы болмағандықтан шығар. Тіпті бағаны түсіруге мәжбүр болдық. Қазір сиыр етін 1500, 2000, 2500 теңгеден сатамыз", — дейді Эльмира Байдулаева.

Облыс нарығына еттің екі рет тексерістен кейін түсетінін ветеринариялық инспекцияда растады. Мамандардың айтуынша, етті бақылау екі рет жүзеге асырылады. Сою алдында сиырды міндетті түрде дәрігер тексереді, ол жануар сау болған жағдайда рұқсат береді. Арнайы алаңда мал сойылады. Содан кейін ет базарларға жеткізіледі. Онда ол тағы бір зерттеуден өтеді, содан кейін ғана саудаға түседі.

Бүгінде Атырауда сібір жарасы салдарынан үш сиырдың өлімі және "Асыл-Агро" шаруа қожалығының сою цехының екі қызметкерінің жұқтыруы тіркелді.

Атырау облысы санитарлық-эпидемиологиялық бақылау департаменті басшысының орынбасары Алтынгүл Аймұратованың айтуынша, екінші ер адам 26 қарашада ауруханаға түскен. Ол бірінші науқас сияқты жануарлар өлген сою алаңында жұмыс істеді. Пациенттердің жағдайы тұрақты деп бағаланды. Екі жұмысшыға да сібір жарасының тері түрі диагнозы қойылған.