Тимур Сүлейменов: Ұлттық қордағы алым түсімдерден асып түсті

Ұлттық қордан алынған қаражат көлемі оған түскен түсімнен асып түсті. Бұл туралы Ұлттық Банк төрағасы Тимур Сүлейменов мәлімдеді, деп хабарлайды Zakon.kz.

15 қазанда өткен Үкімет отырысында Тимур Сүлейменов атап өткендей, қыркүйектің аяғында жалпы халықаралық резервтер рекордтық 107,2 млрд долларды құрады. Ұлттық Банктің алтын-валюта резервтері жыл басынан бері 23,6%-ға ұлғайып, 44,5 млрд доллар көлеміндегі рекордтық мәнге ие болды. Ал, қордың активтері жыл басынан бері 4,5%-ға өсіп, 62,7 млрд долларды көрсетті.

"Ұлттық қор қаражатының түсімдері мен алым балансы теріс қалыптасуда, яғни алым түсімдерден асып түседі. Мұндай жағдайда Ұлттық қор қаражатының өсуін қолдайтын жалғыз фактор — тоғыз айда 10,27%-ды немесе 6,16 млрд долларды құрайтын инвестициялық табыс", — деді Тимур Сүлейменов.

Бұған дейін Қаржы министрі биыл неліктен салық аз жиналғандығын түсіндірді.